Om Tippa
Gardane på Tippa er geografisk lokalisert i Haugen krins ca. 5 km frå Nordfjordeid sentrum. Nordfjordeid er geografisk lokalisert midt i Nordfjord og er kommunesenter i Stad kommune.
Haugen er eit bygdelag i Stad kommune med 700+ innbyggjare. Landbruk er den største næringa, men ein finn også næringar innan industri, transport, service og turisme. Siste "tilskot" er anlegg for gjenvinning av m.a. bilvrak og skrapmetall og NoMIl gjenbruksstasjon.
Haugen har barneskule, barnehage, idrettsanlegg og i Hjelmelandsdalen finn ein m.a. Harpefossen Skisenter.
Klikk på knappane for meir informasjon om områda Tippa er en del av.
Garden Haugland / Tippa er nok mellom dei eldste i bygda og er nemnd i Bjørgvin kalveskinn ca. 1350. Då låg garden under Kristkyrkja i Bergen. Seinare kom nye eigarar inn, og eigarskapen har skift ofte opp gjennom soga. Opphavelig har nok husa på Haugland lege i to tun, eitt på kvar side av Sjurslidelva.
Kjelde: Bygdebok for Haugen og Hjelmelandsdalen.
Bakgrunnen for namnet Tippa
Gardsnamnet Tippen/Tippa (som tyder «tuete grasmark», av gno. *Typpvin) er eitt av dei aller eldste gardsnamna i Eid, nemnt i fleire kjelder frå mellomalderen. Tippen var både gards- og slektsnamn i 1000 år.
Alle Tippa-bruka heitte Tippen fram til kring 1900, då brukarane søkte om å skifte til Haugland. Oppsitjarane på Haugland ytra i 2018 ønskje om å nytte det gamle gardsnamnet om vegen gjennom Tippatunet. I 2018 vart namnet derfor endra tilbake til Tippa. (Ref.: Fjordabladet 25. mai 2018).
Historiske varianter av gardsnamnet Tippa (ref. Ålandsboka)
"Garden heitte før Tippen. Det gn. namnet var vel Typpvin, seinare avstytt til Typpin. I bygdemålet vart det Tippa i nyare tidi samsvar med ljod-overgangane for andre vinnamn, t.d. Leikvin - Løkja, Heggvin - Heggja. Mykje av garden har før vore myr med mange tuver i.
Namnet har vore skreve i Typpinn ikr. 1350, Tipptenn 1520, Topprønn, Toppen, Tappen 1522, Tippen 1548, Thipenn 1563".
for å lese meir om Tippa (Haugland) i Ålandsboka hos Nasjonalbiblioteket.
Diverse kart garden Tippen
Gardsbruka på Tippa
Alle gardsbruka på Tippa starter med gardsnummer 38
Alle gardsbruka på Tippa starter med gardsnummer 38
Bruksnr. | Kallenamn | Adresse |
| 1 | Knutane | Tippa 19 og 20 |
| 2 | Løvikane | Hjalmavegen 4 og Tippa 2 |
| 3 | Jakobane | Tippa 3 |
| 4 | Mattisane | Tippa 23 |
| 5 | Martinsane | Tippa 3 og 9 |
| 6 | Eliasane | Tippa 12 |
7 | Kaspelane | Tippa 11 |
| 8 | Jensane | Tippa 5 |
Nokre "gamle" bilder frå Haugland / Tippa
Tippa
Produkter som har vore dyrka på Tippa og som kan dyrkast i framtida